Diari Hari Rabu

Assalamualaikum ore kampung terrrr :p

Aduh la hoh, lenguh betis lagi ambo ni. Cekak dok neke brek jah hari ni sari. Ho la, pagi tadi (baco : pagi Rabu) kalut ribut taufe beraso. Kejut kanja mugo mipi guano ya panas sangat atah muko ni. Celik celik butir mato, saem nya maghi gerok. Tengok tengok je ( baca : Jam) oloh, guano tok bunyi je aku harini. Mato kheling ko katil sebeloh a.k.a roomate. Eh, tak dok doh. Awal teh g kijo. Rajin weh. Kalu nok tahu gak, roomate  wak partime di Burger King. Gi la kalu beraso nok make gak. Ambo kureng sikit burger king nih. Tamboh2 hok Beef. Tok leh nok tele beraso lepas tengok video hok demo ni post di Fesbuk jame ritu. Lugai tekok beraso. eeeeeeeii, nyaknyooo.

Hoh, nok dijadi kea cerito, harini ambo beraso kalut sekali. Oloh la hoh, siap siap maka nok g kelas tu (baca : pakai baju) hungga tu gak nok hambat bas mugo bunyi bas masuk. Tapi ho la, tingkat limo nok g ko tikat satu dok kea jauh jugok ko? Doh la tanggo mutar ala ala barat gituh. Tobak raso nok lopat jah tadi. Dea sapa tikat duo, BROOOOM bas g. Sengih blako Joyah, Semah nge Peah. Try gaga gaga beg kot kot ado anok koci keto. Hoh, Alhamdulillah mujurnya ado. Prung Preng Prung Preng Habis jugok kelas harini. 

Hoh, hok nok suko sekalinyo, tadi maso kelah hok lek pete tu, nok dijadikea crito tibo tibo ngatok butir mato. *koya cla,padahal ngatok sokmo mu ni* Pahtu gak mugo beraso tok tehe, amik la botol air hok ambo dok kilik gi maghi gi maghi sokmo wak nukat dagu. Nok cover line gak, pege pen sebate. Pah sakut dagu di botol air. Tapi gak nok tahu dop, tok dea sapa 5 minit tutup mato jenero, ore tepi sebeloh lek kiri nya tegur. Berkanja kejut. Ingat kea lecturer maghi tipah palo dos. Ceroh laluh butir mato lepas tuh. Try la sengguk dulu kalu ngatok gak dale kelah, di jamin lepas sengguk ngatok tu g lah kelain.

So lagi nok oyak. Kalu maghi Johor singgoh la Chicken Chop Hutan Bandar JB. RM5 jah eh. Hari ni lepas ngorib tu, saem ado ajok g make chicken chop situ. Sungguh. Banyok keping jugok aye dio. Tobak lepas make sekok perut tok leh nok jale. Pah gak nana la nok diet mula. Manusio gak eh, tak perenoh raso bersyukur. 

So lagih adik kakok eh kalu maghi tah Johor ni. Kalu beraso nok beli bare gak, gi la Bazar Karat male male. Betul betul dekat bandar JB. Tapi ho laa, nok pese nih, kalu mulo mulo sapa tu jange kejut la kalu tibo tibo ado ore jerkoh / tegur:

Jage Molek beg tuh!

Demo tu pese kok luar.Slang dio pun slang ore luar..ore bangla ko gapo tok tahu. pucat muko2 beraso. Nok jerit pun yo sakni. Kanja ambo pokcik ehhhhhhhhh

Habih dos ehh cerito untuk hari ni. Capur tolok darab bahagi tibo2 termikir, " kayo la tokei kedai Chicken Chop Hute Bandar JB tu " Ho la. Muroh rezeki dio. 

2011 : Untuk cucuku ini la kisoh mok wo atau nok ilir sikit gak nenek masa zaman ni. Nenek harap sangat cucu cucu belajar sungguh des. Jaga hubunge denge saem tuh.

cu! ni la mok wo nge saem2 jame belajar dulu :P